निळ्याभोर गगनात दिसणारे पांढुरके ते ढग
डोळे भरून पाहता डोळे दिपतील ते बघ
स्वच्छंद वारा वाही अशा त्या ठिकाणी
सांग मला तू नेशील का ?
वाऱ्याने झुळझुळणारे हिरवे पिवळे ते शेत
मित्रांसोबत अबोध ढोरंही जेथे देती भेट
तुझ्या बालपणाच्या त्या खास ठिकाणी
सांग मला तू नेशील का ?
थकलेल्या गाड्यांसंगे वाटेत घ्यावा थोडा विसावा
डाळीत बाट्यांच्या न्याहारीत साधेपणाचा गोडवा असावा
निसर्गाच्या सानिध्यात त्या प्रेमळ ठिकाणी
सांग मला तू नेशील का ?
काळ्या कुट्ट काळोखात घरी परतीच्या वेळी
काजव्यांचे दिवे दाखविती वाट जणू दिवाळी
परिकथेतील वाटावे अशा त्या ठिकाणी
सांग मला तू नेशील का ?
राबलेल्या शरीराचे शीण थोडे काढावे
बैलाच्या जोडी शेजारी जरा निजावे
रम्य आठवणी असलेल्या तुझ्या त्या गावी
सांग मला तू नेशील का ?
डोळे भरून पाहता डोळे दिपतील ते बघ
स्वच्छंद वारा वाही अशा त्या ठिकाणी
सांग मला तू नेशील का ?
वाऱ्याने झुळझुळणारे हिरवे पिवळे ते शेत
मित्रांसोबत अबोध ढोरंही जेथे देती भेट
तुझ्या बालपणाच्या त्या खास ठिकाणी
सांग मला तू नेशील का ?
थकलेल्या गाड्यांसंगे वाटेत घ्यावा थोडा विसावा
डाळीत बाट्यांच्या न्याहारीत साधेपणाचा गोडवा असावा
निसर्गाच्या सानिध्यात त्या प्रेमळ ठिकाणी
सांग मला तू नेशील का ?
काळ्या कुट्ट काळोखात घरी परतीच्या वेळी
काजव्यांचे दिवे दाखविती वाट जणू दिवाळी
परिकथेतील वाटावे अशा त्या ठिकाणी
सांग मला तू नेशील का ?
राबलेल्या शरीराचे शीण थोडे काढावे
बैलाच्या जोडी शेजारी जरा निजावे
रम्य आठवणी असलेल्या तुझ्या त्या गावी
सांग मला तू नेशील का ?
No comments :
Post a Comment